ՀԱՊԿ Միացյալ շտաբի պետ, գեներալ-գնդապետ Անատոլի Սիդորովը բացահայտել է առաջիկա հավաքական զորավարժությունների սցենարը:
Մամուլի ասուլիսի ժամանակ նա հայտնել է, որ զորավարժությունների սցենարն ընդհանւր առմամբ այսպիսին է՝
ՀԱՊԿ սահմաններին այնպիսի իրավիճակ է ստեղծվում, որ սրվելու միտում ունի: ՀԱՊԿ ղեկավարությունը փորձում է իրավիճակը կարգավորել քաղաքական եւ տնտեսական մեթոդներով: Երբ դա չի հաջողվում, ուժի կիրառման որոշում է ընդունվում: Հակամարտության զարգացման հետագա ընթացքում սկսվում է զորքերի ծավալումը, շրջան ժամանումը եւ համատեղ գործողության անցկացումը: Այնուհետեւ խաղաղ կարգավորման համար պայմանների ստեղծման անհրաժեշտություն է առաջանում, եւ ՀԱՊԿ հավաքական ուժերը ներգրավվում են ՄԱԿ մանդատի շրջանակում:
Զորավարժություններին կհետեւեն Կարմիր խաչի միջազգային կոմիտեի ներկայացուցիչները:
Ի պատասխան ՆԱՏՕ-ի զորավարժության մասին եւ արդյոք ՀԱՊԿ զորավարժությունները յուրահատուկ պատասխան են հարցին, Սիդորովը նշել է, որ չի կարելի ՀԱՊԿ զորավարժություններն ուղիղ պատասխան համարել: «Մենք հետեւում ենք ՀԱՊԿ տարածքի շուրջը ստեղծվող իրավիճակին եւ ձգտում ենք համարժեք արձագանքել»,- նշել է գեներալը