Վրաստանի եւ Ռուսաստանի սահմանին պայթյուն է որոտացել, հայտնել են Վրաստանի ՆԳ նախարարությունից: Մեկ մարդ զոհվել է, 2-ը մարմնական վանսվածքներ ստացել:
Քրեական գործ է հարուցվել:
Երկու տուժածները Թբիլիսիի Համալսարանական կլինիկայի Այրվածքաբանության կենտրոնի վերակենդանացման բաժանմունքում են, փոխանցում է «Sputnik-Գրուզիան»՝ վկայակոչելով կենտրոնի ղեկավարին: Սահմանապահներից մեկը մարմնի 27-30 տոկոսի այրվածքներ է ստացել, իսկ երկրորդը՝ 45-50 տոկոսի:
Նախնական տեղեկություններով՝ պայթյունի պատճառը գազի բալոնի բռնկումն է:
«Այս պայթյունը կենցաղային բնույթ ունի, ցավոք, երիտասարդ սահմանապահ է զոհվել»,- հայտարարել է Կախեթիի նահանգապետ Իրակլի Կադագիշվիլին:
