Շիրակի մարզում, սեպտեմբերի 25-ին, արտակարգ դեպք է տեղի ունեցել. ժամը 22։30-ի սահմաններում 3 անծանոթ անձ մտել են Աշոցք գյուղի բնակիչ՝ 54-ամյա Շարմաղ Խ.-ին պատկանող խանութ, որտեղ իրենց պահել են անհարգալից, վիրավորական արտահայտություններ են հնչեցրել նրա հասցեին, քաշքշել շորերից, այնուհետեւ հնչեցրել հայհոյանքներ, իսկ նրանցից մեկը շշով գարեջուրը լցրել է Շարմաղ Խ.-ի վրա ու հետո «Նիվա» մակնիշի ավտոմեքենայով հեռացել են։

Shamshyan.com-ի փոխանցմամբ, ոստիկանները նշված հանցագործությունը կատարելու կասկածանքով բերման ենթարկել 32-ամյա Վահե Հ.-ին, ով արդեն Ոստիկանությունում խոստովանել է, որ խուլիգանությունը կատարել է ինքը՝ իր ընկերների՝ Կորյուն Մ.-ի եւ Ահարոն Հ.-ի հետ։

Աղբյուրի տեղեկություններով՝ Վահե Հ.-ն աշխատում է «Արփա լիճ» ազգային պարկի արեւմտյան տեղամասի պետ։