Հայաստան-Սփյուռք համահայկական համաժողովում բազմաթիվ հարցեր են քննարկվել, եւ այդ հանդիպումները պետք է շարունակվեն ապագայում: Այս մասին սեպտեմբերի 26-ին՝ լրագրողների հետ հանդիպման ժամանակ, ասել է Արգենտինայից ժամանած Ռամկավար ազատական կուսակցության կենտրոնական վարչության ատենապետ Սերխիո Նահապետյանը:
Նրա խոսքով՝ Հայաստանը, Ղարաբաղը եւ հայկական սփյուռքը պետք է միասնական լինեն: «Սփյուռքը չի կարող գործել եւ իրականացնել իր նպատակներն ու խնդիրներն առանց Հայաստանի աջակցության, եւ Հայաստանն էլ, իր հերթին, Սփյուռքի աջակցության կարիքն ունի», - ասել է Նահապետյանը:
