News
Լրահոս
News
Երեքշաբթի
Հոկտեմբեր 24
Տեսնել լրահոսը

Շատ տրամաբանական է, որ Եվրոպայի խորհրդի Նախարարների կոմիտեն Ադրբեջանի վերաբերյալ նման որոշում է ընդունել, որովհետեւ Ադրբեջանը արդեն տարիներ շարունակ տեւական ժամանակ է չի կատարում Մարդու իրավունքների եվրոպական դատարանի որոշումը, այսինքն՝ պետք է ազատ արձակեր Իլգար Մամադովին, իսկ ադրբեջանական կողմը դա չի անում։ Այս մասին NEWS.am-ի հետ զրույցում նշել է Հայաստանի ԱԺ փոխնախագահ, ԵԽԽՎ-ում Հայաստանի պատվիրակության ղեկավար Արփինե Հովհաննիսյանը՝ անդրադառնալով նրան, որ ԵԽ Նախարարների կոմիտեն մտադիր է Եվրոպական դատարանին ներկայացնել Ադբեջանի կողմից Եվրոպական հռչակագրի 46 հոդվածի 1-ին պարբերությամբ (Եվրոպական դատարանի վճիռները չիրականացնելու մասին) ստանձնած պարտավորությունների չիրականացման հարցը։

«Պետք է ասեմ, որ ԵԽԽՎ ինչպես իրավական հարցերի հանձնաժողովում, այնպես էլ Մոնիտորինգի հարցերով հանձնաժողովում Ադրբեջանի հարցերով զեկույցների քննարկման ժամանակ հատուկ քննարկման առարկա դարձավ ձեւակերպման հարցը, եւ ի վերջո, պատվիրակներից մեկի առաջարկի քվեարկության արդյունքում խորհրդարանական վեհաժողովի բանաձեւում, որը հոկտեմբերի 10-ի օրակարգում ընդգրկված է, հատուկ ձեւակերպում է մտել՝ «անհապաղ ազատ արձակել Իլգար Մամադովին»: Այսինքն տրամաբանական է, որ Եվրոպայի խորհրդի գործադիր մարմինը տվյալ դեպքում պետք է ավելի գործուն քայլեր ձեռնարկեր, կարծում եմ՝ դեռ մի բան էլ ուշացած, Ադրբեջանի նկատմամբ պատժամիջոցներ կիրառելու հետ կապված, եթե, իհարկե, նրանք մինչ այդ, ի վերջո, չորոշեն ազատ արձակել Մամադովին: Այնուհետեւ նրանց նկատմամբ, իհարկե, 46-րդ հոդվածը կկիրառվի, որին կհետեւեն կոնկրետ քայլեր Ադրբեջանի Եվրոպայի խորհրդին անդամակցության հետ կապված։ Տեսնենք, թե ինչպես կընթանան իրադարձությունները»,-ընդգծեց Արփինե Հովհաննիսյանը:

Ավելի վաղ NEWS.am-ը հայտնել էր, որ Եվրոպայի խորհրդի նախարարների կոմիտեն Ադրբեջանին նախազգուշացրել է ՄԻԵԴ-ի դատավճիռները չիրականացնելու հետեւանքների մասին։

Սեպտեմբերի 19-ից 21-ը տեւած նիստի արդյունքներով՝ Նախարարների կոմիտեն ընդունել է բանաձեւեր 20 երկրների՝ այդ թվում Ադրբեջանի վերաբերյալ Ստրասբուրգի դատարանի 267 վճիռների մասին։

Քարտուղարությանը հանձնարարվել է նախապատրաստել Իլգար Մամեդովի գործով ժամանակավոր բանաձեւի նախագիծը, որի համաձայն Ադրբեջանին պաշտոնական ծանուցում կուղարկվի այն մասին, որ Նախարարների կոմիտեն մտադիր է Եվրոպական դատարանին ներկայացնել Ադբեջանի կողմից Եվրոպական հռչակագրի 46 հոդվածի 1-ին պարբերությամբ (Եվրոպական դատարանի վճիռները չիրականացնելու մասին) ստանձնած պարտավորությունների չիրականացման հարցը:

Բանաձեւը կներկայացվի 2017-ի հոկտեմբերի 25-ին Կոմիտեի նիստի ժամանակ։

Հիշեցնենք, որ 46-րդ հոդվածը դեռ ոչ մի անգամ չի կիրառվել անդամ երկրների հանդեպ։ 46-րդ հոդվածի կիրառման բովանդակությունն այն է, որ Նախարարների կոմիտեն ՄԻԵԴ վճիռների չիրականացման հարցը փոխանցում է հենց դատարանի քննմանը։ Եթե վերջինը հանգում է այն եզրակացության, որ իրոք դատավճիռները չեն իրականացվել, ընդ որում առանց իրավական հիմքերի, ապա հարցը նորից է դրվում Նախարարների կոմիտեի քննարկմանը, որպեսզի ընդունվեն համապատասխան քայլեր՝ կազմակերպության առջեւ տվյալ երկրի պարտականությունների չկատարման կապակցությամբ։ Նման քայլերը կարող են ունենալ պատժամիջոցային բնույթ։

!
Այս նյութը հասանելի է նաև   English and Русский
Տպել
Կարդացեք նաև
Ամբողջ
Հայաստանում կին պատգամավորների թիվը 4,6 տոկոսով ավելացել է. ԵԽ զեկույց
Զեկույցի համաձայն՝ կուսակցական առաջնորդների թվում կանայք կազմում են 40 տոկոս…
Հայաստան-ԵՄ նոր համաձայնագիրը կնպաստի համագործակցության շարունակականությանը. Վուտովա
2015-2017 թթ. «Գործընկերություն՝ հանուն արդյունավետ կառավարման» ծրագրի շրջանակում Հայաստանում իրականացված չորս ծրագրերի ընդհանուր գումարը կազմում է 2,4 միլիոն եվրո…
ԵԽ մարդու իրավունքների հանձնակատարը Ադրբեջան նամակ է հղել ԼԳԲՏ հանրույթի ներկայացուցիչների կալանավորման վերաբերյալ
Կալանավորումները, որոնք ամբողջությամբ կամ մասնակի հիմնված են սեռական կողմնորոշման կամ գենդերային նույնականության վրա, խտրական են եւ հակասում են ՄԻ եվրոպական կոնվենցիային…
ԵՄ ներկայացուցիչը Ադրբեջանի իշխանություններին հիշեցրել է ԵԽԽՎ կարեւորության մասին
Այս կառույցի յուրաքանչյուր անդամ երկիր պետք է առաջ ընթանա երկխոսության եւ ինտենսիվ աշխատանքի միջոցով…
Չի բացառվում, որ սա հանգեցնի Ադրբեջանին ԵԽ կազմից հանելուն. Գեւորգ Կոստանյանը՝ ԵԽԽՎ հայտարարության մասին
Շատ ողջունելի է, որ ԵԽԽՎ-ն հանդես է եկել հայտարարությամբ եւ կոչ է անում հնարավորինս շուտ Ադրբեջանին հանել ՄԻԵԴ-ից...
Եվրոպայի խորհուրդը կքննարկի Երեւանի ավագանու ընտրությունների մասին զեկույցը
Կոնգրեսի փոխնախագահի գլխավորած պատվիրակությունը Երեւան է այցելել 2017-ին․․․
Ամենաշատ
Partner news