Հայաստանի եւ Ադրբեջանի ԱԳ նախարարների հանդիպման հետ մեծ հույսեր կապեր պետք չէ։ Սեպտեմբերի 26-ին լրագրողներին նման կարծիք է հայտնել ԼՂՀ Ներկայացուցիչների խորհրդի խորհրդական Գառնիկ Իսագուլյանը։
Նա միաժամանակ նշել է, որ նման հանդիպումները կարող են օգտակար եւ նշանակալի լինել։ «Որքան շատ, այնքան լավ։ Բայց որեւէ լուրջ առաջընթաց այս կամ այն հարցով չկա, քանի որ Հայաստանի եւ Ղարաբաղի դիրքորոշումներն այդ հարցում հստակ են»,– պարզաբանել է Իսագուլյանը եւ հավելել, որ այդ դիրքորոշման մեջ զիջումների հարցում դժվար թե որեւէ փոփոխություն լինի, քանի որ 2016-ի ապրիլյան պատերազմից հետո կողմերն իրենց համար համապատասխան եզրակացություններ արեցին։
Հիշեցնենք, որ սեպտեմբերի 23-ին Նյու Յորքում կայացել է Հայաստանի եւ Ադրբեջանի ԱԳ նախարարների հանդիպումը, որի ժամանակ քննարկվել է երկու երկրների նախագահների հանդիպման հարցը։
