ԼՂՀ ԱԳ նախարարի փոփոխության մեջ ոչ մի տարօրինակ բան չկա։ Այս մասին սեպտեմբերի 26-ին լրագրողներին ասել է ԼՂՀ Ներկայացուցիչների խորհրդի խորհրդական Գառնիկ Իսագուլյանը։
Նրա խոսքով՝ դա շատ տրամաբանական եւ ողջամիտ որոշում էր։ «Ամենակարեւորը ինձ համար այն իրադրությունն է, որը կարողացել են ստեղծել Լեռնային Ղարաբաղի Հանրապետությունում, եւ տնտեսական աճը»,– ասել է Իսագուլյանը։
Ընդ որում, նա նշեց, որ ԱԳ նախկին նախարար Կարեն Միրզոյանը իրեն հիանալի է դրսեւորել եւ նրան փոխարինած Մասիս Մայիլյանը լիովին համապատասխանում է այն պահանջներին, որոնք անհրաժեշտ են իրեն վստահված գերատեսչությունը ղեկավարելու համար։ Մայիլյանը համապատասխան գիտելիքներ եւ բազմամյա փորձ ունի։
Հիշեցնենք, որ սեպտեմբերի 25-ին ԼՂՀ նախագահ Բակո Սահակյանը հրաման է ստորագրել, որով պաշտոնանկ է արել Կարեն Միրզոյանին եւ նոր ԱԳ նախարար նշանակել Մասիս Մայիլյանին։