ԱՄՆ նախագահ Դոնալդ Թրամփն ու Իսպանիայի վարչապետ Մարիանո Ռախոյը դեմ են արտահայտվել Կատալոնիայի անկախացման մասին հանրաքվեին, հայտնում է Reuters-ը։
«Ես միացյալ Իսպանիայի կողմնակիցն եմ»,- ասել է Թրամփը Վաշինգթոնում Ռախոյի հետ համատեղ մամուլի ասուլիսի ժամանակ։ «Կարծում եմ, որ Կատալոնիայի բնակիչները կմնան Իսպանիայի հետ։ Հիմարություն կլիներ դա չանելը»։
Նշենք, որ Կատալոնիայի անկախացման մասին հանրաքվեն կկայանա հոկտեմբերի 1-ին։ Իսպանիայի իշխանությունները այն համարում են ապօրինի ու հակասահմանադրական։
