Պադուայի եւ Բոլոնիայի գիտնականները հայտարարել են Լուսնի եւ Մարսի վրա վայրերի հայտնաբերման մասին, որոնք ամենից լավ են համապատասխանում մարդու բնակեցման համար, «ՌԻԱ Նովոստի»-ի փոխանցմամբ՝ հայտնել է եվրոպական աստղագետների միավորման՝ Eroplanet-ի պաշտոնական կայքը:
Մասնագետները վերլուծել են տիեզերական մարմինների ռելիեֆների մոդելները եւ այն եզրակացության հանգել, որ Լուսնի ու Մարսի վրա «լավային խողովակները» եւ քարանձավները լավագույնս են համապատասխանում այս օբյետներում կյանքի համար:
Գիտնականների կարծիքով՝ դրանք կարող են մարդուն ամենից լավ պաշտպանել տիեզերական ճառագայթումից եւ միկրոերկնաքարերի հոսքից:
«Լավային խողովակներն» առաջացել են լավայի անհավասարաչափ սառչելու հետեւանքով: Լավայի մակերեւութային շերտերն ավելի արագ են սառչում եւ միաձույլ դառնում՝ կոշտ կեղեւ ձեւավորելով, որից հեղուկ լավան աստիճանաբար հեռանում է՝ թունել ստեղծելով: Փորձագետները պնդում են, որ նման թունելի երկարությունը կարող է հասնել 65 կմ-ի: