ԵԱՀԿ Մինսկի խմբի համանախագահները Երեւան կայցելեն հոկտեմբերի առաջին կեսին։ Այս մասին սեպտեմբերի 27-ին ասել է ՀՀ արտգործնախարար Էդվարդ Նալբանդյանը։
Պատասխանելով Նյու Յորքում Հայաստանի եւ Ադրբեջանի ԱԳ նախարարների հանդիպման թեմայով հարցին՝ Նալբանդյանը նշեց, որ արդեն հաղորդվել է, որ կողմերը քննարկել են նախագահական մակարդակով հանդիպման հարցը եւ ԵԱՀԿ ՄԽ համանախագահների այցի գրաֆիկը։
«Համանախագահներին սպասում ենք Հայաստանում հոկտեմբերի առաջին կեսին։ Նրանք պատրաստություն կտեսնեն նախագահների հանդիպման համար»,– ասել է նախարարը՝ նշելով, որ այլ առաջարկներ չեն քննարկվել։