Քիրքուք զորք մտցնելու մասին Իրաքի խորհրդարանի որոշումը պայմանավորված է քաղաքական առեւտրով եւ երկրում սպասվող օրենսդիր խորհրդի ընտրությունների կապակցությամբ առկա ճնշմամբ։ Այս մասին «ՌԻԱ Նովոստի»–ին հայտնել է նահանգապետ Նաջմադդին Քարիմը։
Իրաքի վարչապետ Հայդեր ալ Աբադին երկրի խորհրդարանից թույլտվություն է ստացել զորք մտցնել Քիրքուքի վիճելի նավթային տարածք։
«Այդ նորությունները հեռու են իրականությունից, եւ հնարավոր է, որ դրանց մի մասը քաղաքական առեւտուր է, քաղաքական ճնշում, հատկապես, որ Իրաքում 2018–ին ընտրություններ են սպասվում»,– ասել է նահանգապետը։
Իրաքի Քիրքուք քաղաքի բնակիչները երկուշաբթի մասնակցել են Իրաքի Քուրդիստանի անկախության հանրաքվեին։
Քիրքուք նահանգի խորհուրդը օգոստոսի վերջին կողմ էր քվեարկել տարածքը Իրաքի Քուրդիստանի անկախության հանրաքվեի շրջաններին միանացնելուն։ Պաշտոնական Բաղդադը չի ճանաչում հանրաքվեի օրինականությունը։