Ադրբեջանի, Վրաստանի եւ Թուրքիայի պաշտոնատար անձինք ծանոթացել են Բաքու–Թբիլիսի–Կարս երկաթուղու նախագծի իրականացման աշխատանքներին։ Այս մասին հայտնում է Trend–ը՝ վկայակոչելով «Ադրբեջանի երկաթուղիներ» ՓԲԸ ներկայացուցիչ Ջավադ Ղուրբանովին, «Վրացական երկաթուղիներ»–ի գլխավոր տնօրեն Մամուկա Բախտաձեին եւ Թուրքիայի տրանսպորտի, ծովագնացության եւ կապի նախարար Ահմեդ Արսլանին, որոնք գնացքով Թբիլիսիից ուղեւորվել են Ախալքալաք եւ ծանոթացել շինարարական աշխատանքներին։ Ջավադ Ղուրբանովը լրատվամիջոցներին հայտնել է, որ երկաթուղին արդեն պատրաստ է շահագործման։
Բաքու–Թբիլիսի–Կարս երկաթուղին կառուցվում է ադրբեջանա–վրացա–թուրքական միջկառավարական համաձայնագրի հիման վրա։