2018 թվականին նախատեսում ենք հավաքագրել 1 տրլն 307 մլն դրամի եկամուտներ, եւ 1 տրլն 464 մլրդ դրամի ծախսեր անել: Այս մասին, այսօր՝ սեպտեմբերի 28-ին, կառավարության նիստից հետո լրագրողների հետ զրույցում նշել է ՀՀ Ֆինանսների նախարար Վարդան Արամյանը:

Նրա խոսքով, 170 մլրդ դոլարի կապիտալ ծախսեր են նախատեսում, ինչն աննախադեպ է. «Նախորդ տարվա նկատմամբ աճը 80 տոկոսից ավելի է»:

Հաևրցին, թե ինչու է 2018 թվականի համար նախատեսվել ՀՆԱ 4,5 տոկոս աճ, թեեւ կառավարությունը ավելի շատ ակնկալիք ուներնախարարը պատասխանեց. «Որովհետեւ տնտեսությունը կենդանի օրգանիզմ է եւ չես կարող տնտեսությունը ցանկությունների շրջանակներում ինչ-որ թիվ դնել: Այդ թվերը լինում են որոշակի գործողությունների արդյունքում: 2017 թվականի տնտեսական աճի ծրագրային ցուցանիշը բարձրանում է, այսինքն 3,2 տոկոս տնտեսական աճի փոխարեն ունենալու ենք 4,3 տոկոսի աճ: Եվ այդ բազայի վրա է ծրագրավորվում 2018-ի համար 4,5 տոկոսի աճ: Բնականաբար, հեռանում է միջնաժամկետ հեռանկարում մեր հավակնությունները: Մենք բազմիցս նշել ենք, որ դա 4 տոկոսանոց աճը չէ, այլ 5 տոկոսի շրջանակներում է, իսկ որպեսզի կարողանանք դա իրագործել, պետք է քայլեր իրականացնենք: Կառավարության ձեռքին մի քանի գործիք կա, մեկը բարեփոխումներն են, մյուսը կապիտալ բնույթի ծախսերը: Դրա համար էլ կապիտալ ծախսերն ավելացրել ենք»: