Իրաքի Քուրդիստանի իշխանությունները դադարեցրել են ինքնավարության բնակիչներին Իրաքի քաղաքացու անձնագրերի տրամադրումը Բաղդադի հետ հարաբերությունները խզելու պատճառով։ Այս մասին հայտնել է Էրբիլի անձնագրային բաժնի պետ Դիդար Օմերը, փոխանցում է «ՌԻԱ Նովոստի»–ն։
«Սեպտեմբերի 24-ին դադարեցվել է Էրբիլի, Սուլեյմանիայի եւ Դոհուկի շրջանների անձնագրային բաժանմունքների ցանցային միացումը Բաղդադի հետ։ Այսպիսով՝ Քուրդիստանում դադարեցվել են անձնագրային աշխատանքները»,– ասել է Օմերը քրդական Rudaw գործակալությանը։
Բաղդադը դա ներկայացրել է որպես «տեխնիկական քայլ, որն ուրիշ ոչ մի բանի հետ կապ չունի»։ Ըստ հաղորդման՝ տարեսկզբից Էրբիլի նահանգում ավելի քան 68 հազար իրաքյան անձնագիր է տպվել։