Երեւանի Մյասնիկյան պողոտայում՝ «Բելաջիո» ռեստորանի դիմաց տեղի ունեցած տրոլեյբուսի վթարի հետեւանքով տուժածներից 2-ի վիճակը ծանր է: Այս մասին NEWS.am-ի թղթակցին տեղեկացրել է «Հերացի» թիվ 1 համալսարանական հիվանդանոցային համալիրի տնօրեն Արեն Բաբլումյանը:
Նա խոստացել է տուժածների վիճակի մասին ավելի մանրամասն տեղեկություններ փոխանցել ավելի ուշ՝ հետազոտության վերջնական արդյունքները ստանալուց հետո: Մինչ այդ Բաբլումյանը տեղեկացրել է, որ հիվանդանոց է տեղափոխվել 3 կին եւ 3 տղամարդ:
Տուժածներից մեկը գանգուղեղային վնասվածք ունի, մի քանիսը՝ սալջարդեր, երկու տուժածի վիճակը բավարար է. նրանք միայն քերծվածքներ են ստացել: