Aston Martin սուպերքարերի բրիտանական արտադրողը եւ ամերիկյան Triton Submarines–ը համատեղ նախագիծ են ներկայացրել՝ Project Neptune սուզանավի կոնցեպտը։ Սա ամենաթանկ եւ միաժամանակ ամենադանդաղ Aston Martin–ն է, որի առավելագույն արագությունը 6.5 կմ/ժ է։ Իսկ մեքենայի գինը 3.5 մլն դոլար է, փոխանցում է Motor–ը։
Project Neptune–ը կառուցվել է Triton 1650/3 LP թեթեւ եւ կոմպակտ երեքտեղանի սուզանավի հիմքի վրա։ 30 կիլովատտ/ժամ տարողությամբ մարտկոցով սարքը կարող է 500 մ խորության տակ իջնել եւ ջրի տակ մինչեւ 12 ժամ անցկացնել։