Հայաստանի Հանրապետությունը ուղիղ ազդակ է հղում ՄԱԿ-ի ամբիոնից, որ չի կարելի շանտաժի եւ վերջնագրերի լեզվով խոսել Հայաստանի Հանրապետության հետ։ Այդ մասին այսօր՝ սեպտեմբերի 28-ին ՀՀԿ ԳՄ նիստից հետո լրագրողների հետ զրույցում ասել է ՀՀԿ մամուլի քարտուղար Էդուարդ Շարմազանովը։
Նրա խոսքով, ԳՄ նիստում քննարկել են ՄԱԿ-ում Սերժ Սարգսյանի ելույթը։ «Համահայկական օրակարգային հարցերը, ինչպիսին Արցախի միջազգային ճանաչումն է, Ցեղասպանության ճանաչումն ու դաստապարտումը մի օրակարգ է, որտեղ մենք որեւէ հետքայլ չենք կատարելու»,- ասել է Շարմազանովը։
Խոսելով Թուրքիայի ՊՆ նախարարի հայտարարությունների մասին՝ նա նշել է. «Թուրքիան եւս մեկ անգամ ապացուցեց, որ անելիք չունի արցախյան հիմնահարցում»։ «Թուրքիան այն երկիրն է, որը սատարել է Ադրբեջանի հանցագործ քաղաքականություն ապրիլյան պատերազմի ժամանակ»,- ասել է Շարմազանովը։