News
Լրահոս
News
Երեքշաբթի
Դեկտեմբեր 12
Տեսնել լրահոսը


Տավուշի մարզում օրեր առաջ սարսափելի դեպք է տեղի ունեցել: Սեպտեմբերի 27-ին Նորաշեն գյուղում 32-ամյա կինը երեխա է լույս աշխարհ բերել, որին ծննդկանի մայրը զուգարանն է նետել: Նորածինը մահացել է: Մեր աղբյուրի տեղեկացմամբ՝ կինը ծննդաբերել է հղիության 8.5 ամսում, տան պատշգամբում: Կինն առողջ երեխա է լույս աշխարհ բերել: Իրավապահներին նա ասել է, որ ծնվելուց հետո փոքրիկը ճիչ է արձակել: Դեպքից հետո կնոջը տեղափոխել են Բերդի բուժկենտրոն: Նրա վիճակը լավ է, երկուշաբթի նրան դուրս կգրեն: Ծննդատան վարիչը վստահեցրել է, որ կինը որպես հղի որեւէ տեղ հաշվառված չի եղել:

Խարբերդում մեկամյա երեխայի մահվան պատճառը ԿԿԽ տեսակի պատվաստանյութի կրկնակի ներարկումն է եղել: Այս մասին հաղորդել են քննչական կոմիտեից: Մեկ տարեկան աղջիկը մահացել է հուլիսի 6-ին: Երեխայի մայրը պատմել է, որ փորձել է հրաժարվել կրկնակի պատվաստումից, բայց պոլիկլինիկայի բժիշկը պնդել է, որ պատվաստումն անհրաժեշտ է: Արդյունքում երեխայի ինքնազգացողությունը չափազանց վատացել է, շտապ օգնություն են կանչել, բայց փոքրիկին փրկել չի հաջողվել: Պատվաստումն իրականացրած առաջնային բժշկական օղակի գործունեությունը դադարեցվել է մինչեւ հետաքննության ավարտը:

Ժիրայր Սեֆիլյանի եւ մյուսների գործով այսօրվա դատական նիստին մեղադրող Պետրոս Պետրոսյանի նյարդերը տեղի են տվել, երբ ամբաստանյալներից Ներսես Պողոսյանը խնդրել է իր կոչը փոխանցել գլխավոր դատախազ Արթուր Դավթյանին: 3 անչափահաս երեխաների հայր Ներսես Պողոսյանին ազատ արձակելու վերաբերյալ նրա շահերի պաշտպանի միջնորդությունը դատարանը կրկին մերժել է, եւ Պողոսյանը որոշել է հայտարարությամբ հանդես գալ: Դիմելով մեղադրողին՝ նա հայտարարել է, որ անժամկետ հացադուլ է հայտարարում ու այլեւս չի ընդառաջելու այն դադարեցնելու վերաբերյալ Արթուր Դավթյանի հորդորին:

Ներսես Պողոսյանը մի քանի անգամ գլխավոր դատախազի մասին խոսելիս ասել է «Արթուր», «Արթուրիկ»: Ըստ երեւույթին՝ սա էլ հունից հանել է մեղադրողին: Նա մի պահ մոռացել է, որ նիստերի դահլիճում է, ու ամբաստանյալին դիմել է «արա»-ով: Սա զայրացրել է նույնիսկ դատավոր Տաթեւիկ Գրիգորյանին, որը դատական սանկցիա է կիրառել՝ նախազգուշացման տեսքով: Նիստերի դահլիճում գտնվողներն արդեն դատարանի բակում փորձել են պարզաբանում ստանալ Պետրոս Պետրոսյանին: Նա, սակայն, առանց արձագանքելու հեռացել է: Հավելենք նաեւ, որ Սեֆիլյանի եւ մյուսների գործով դատական նիստերը տեսանկարահանել չի թույլատրվում:

Լոռու մարզի Մեծավան համայնքում դիզենտերիայի բռնկում է արձանագրվել: Դիզենտերիա ախտորոշմամբ 17 հիվանդ ստացիոնար բուժում է ստանում, եւս 15-ը՝ ամբուլատոր: Հետազոտության արդյունքները ցույց են տվել, որ աղիքային վարակի աղբյուրը ջուրն է: Օրեր առաջ դիզենտերիայի բռնկում էր արձանագրվել նաեւ Գորիսի դպրոցներից մեկում: Հիվանդանոց էր դիմել 27 հիվանդ՝ միանման գանգատներով. լուծ, բարձր ջերմություն, սրտխառնոց, փսխում: Այստեղ վարակի աղբյուր է հանդիսացել դպրոցական սնունդը: Լաբորատոր հետազոտությամբ սննդի նմուշներում շիգելլա զոնե (դիզենտերիա) աղիքային ցուպիկ է հայտնաբերվել:

«Միսս Արմենիա» գեղեցկության մրցույթի շուրջ կրքերը չեն հանդարտվում: Նախ հաղթող ճանաչված Լիլի Սարգսյանից հետ վերցրեցին թագը: Մրցույթի կազմակերպիչ Գոհար Հարությունյանը պարզաբանեց, որ որոշ թերացումների պատճառով թագը տրամադրած ոսկերչական ընկերությանը չի բավարարել գովազդը, եւ ընկերությունը որոշել է այն չնվիրել մրցույթի կազմակերպիչներին:

Այսօր էլ ասուլիս է հրավիրել «Միսս Հայաստան» գործակալության տնօրեն Կարեն Արիստակեսյանը եւ խոսել մրցույթի թերությունների, կանոնակարգի խախտումների եւ դրան առնչվող դատական գործընթացի մասին: Արիստակեսյանի խոսքով՝ քանի որ «Միսս Արմենիա»-ն չէր համապատասխանում գեղեցկության մրցույթի չափանիշներին, իրենք ստիպված են նոր մրցույթ կազմակերպել: Իսկ «Միսս Աշխարհ» մրցույթին ո՞վ կներկայացնի Հայաստանը` «Միսս Արմենիա»-ն, թե՞ «Միսս Հայաստան» մրցույթի հաղթողը: Կարեն Արիստակեսյանի փաստաբանը պարզաբանել է. «Միսս Աշխարհ»-ին կարող է մասնակցել նա, ով օրենքի սահմաններում նվաճել է որեւէ երկրի «Միսս» տիտղոսը, իսկ Լիլի Սարգսյանը չի կարող «Միսս Հայաստան» համարվել: Հավելենք, որ դատական գործընթաց է սկսվել, դատարանն արգելել է «Միսս Հայաստան», «Միսս Արմենիա» ապրանքային նշանների՝ ցանկացած ձեւով օգտագործումը: Չնայած դրան՝ «Միսս Արմենիա» մրցույթը, ամեն դեպքում, կազմակերպվել է:

Սեպտեմբերի 29-ին դոլարը, եվրոն եւ ռուբլին թանկացել են: Դոլարի փոխարժեքն արդյունքում կազմել է 478 դրամ, եվրոյինը՝ 564, ռուբլունը՝ 8 դրամ 27 լումա, ֆունտինը՝ 639 դրամ:

Սեպտեմբերի 30-ին հանրապետության շրջանների մեծ մասում սպասվում է անձրեւ եւ ամպրոպ: Երեւանում նույնպես ժամանակ առ ժամանակ տեղումներ կլինեն: Մայրաքաղաքում գիշերը կդիտվի +12+14, ցերեկը՝ +23+25 աստիճան տաքություն:

Տպել
Կարդացեք նաև
Ամբողջ
Օրվա գլխավոր լուրերը՝ «մեկ տողով». 11.12.2017
Նախագահը չի ուզում որեւէ մեկին վախեցնել, բայց այսուհետ պաշտոնը չարաշահող համայնքապետերի հանդեպ ներողամիտ չեն լինելու...
Օրվա գլխավոր լուրերը՝ «մեկ տողով». 08.12.2017
Քաղտեխնոլոգ Կարեն Քոչարյանն ակցիա է սկսել՝ պահանջելով, որ ՀՀԿ-ական պատգամավոր Հակոբ Հակոբյանը վայր դնի մանդատը...
Օրվա գլխավոր լուրերը՝ «մեկ տողով». 07.12.2017
Աշխարհը քննարկում է Երուսաղեմն Իսրայելի մայրաքաղաք ճանաչելու մասին ԱՄՆ-ի որոշումը, իսկ Պաղեստինից արդեն սպառնալիքներ են հնչում...
Օրվա գլխավոր լուրերը՝ «մեկ տողով». 06.12.2017
Երեւանում հերթական սպանությունն է տեղի ունեցել. «Նիսան» ավտոմեքենայի սրահում տղամարդու դի են հայտնաբերել՝ հրազենային վնասվածքներով...
Օրվա գլխավոր լուրերը՝ «մեկ տողով». 05.12.2017
Միխայիլ Սահակաշվիլիի արկածներն Ուկրաինայում շարունակվում են. երկրի գլխավոր դատախազը Սահակաշվիլիին կոչ է արել վաղն առավոտյան քննիչին ներկայանալ...
Օրվա գլխավոր լուրերը՝ «մեկ տողով». 04.12.2017
Ինչո՞ւ է ՍԾՏՀԿ ԽՎ-ում հայկական պատվիրակությունը լքել նիստերի դահլիճը. Գագիկ Մինասյանը պարզաբանել է բողոքի պատճառը...
Ամենաշատ
Ֆոտոռեպորտաժներ
Partner news