ՄԱԿ-ը միշտ անհրաժեշտ օգնություն է ցույց տալիս ինչպես Բաղդադին, այնպես էլ Էրբիլին, ինչպես նաեւ ձգտում է Իրաքի ամբողջ ժողովրդի, այդ թվում Իրաքի Քուրդիստանի բնակչության շահերից գործել: Այս մասին հայատարել է ՄԱԿ գլխավոր քարտուղարի ներկայացուցիչ Ստեֆան Դյուժարիկը, հաղորդում է «Ռիա Նովոստին»:
«Մենք մշտապես օգնում ենք երկու կողմերին, եթե կա դրա կարիքը: ՄԱԿ առաքելությունը Իրաքում ձգտում է գործել Իրաքի ժողովրդի շահերից , այդ թվում Իրաքի Քուրդիստանի բնակչության », - ուրբաթ ճեպազրույցի ժամանակ ասել է Դյուժարիկը:
Գլխավոր քարտուղարի ներկայացուցիչը նաեւ ընդգծել է, որ ՄԱԿ-ը հանդես է գալիս հօգուտ Իրաքի միասնականության եւ տարածքային ամբողջականության եւ կոչ է անում տեղական իշխանություններին անել հնարավոր ամեն ինչ երկրի բնակչությանը պաշտպանության համար:
«Մենք հարգում ենք Իրաքի միասնականությունը, ինքնիշխանությունը եւ տարածքային ամբողջականությունը: Այս առումով մենք հետեւում ենք Իրաքի կառավարության մոտեցմանը: Մենք նաեւ կցանկանայինք, որ Իրաքի եւ Իրաքի Քուրդիստանի կառավարություններն ամեն ինչ անեն Իրաքի ժողովրդին, այդ թվում ` Իրաքի Քրդստանի ժողովրդին պաշտպանելու համար, հաշվի առնեն ժողովրդի շահերն եւ էսկալացիա թոյլ չտան», - եզրափակել է Դյուժարիկը: