Հայ ուսանողները ստեղծել են լուսանկարները ոճավորող հավելված՝ Սարյանի ու Արշիլ Գորկու ոճով։ Ամռանը ուսանողների թիմը ցուցադրել իր հավելվածը Սեւանում՝ ստարտափերի վրանային քաղաքում (Sevan Startup Summit), իսկ հիմա՝ Երեւանում DigiTec ցուցահանդեսում։
«Ktav» կոչվող ծրագիրը լուսանկարներին հաղորդում է Արշիլ Գորկու, Մարտիրոս Սարյանի, Գառզուի, Մինաս Ավետիսյանի, Հակոբ Հակոբյանի, Վրույր Գալստյանի կտավների ոճն ու գույները ։
Հավելվածը տեղադրել են Google Play-ում ու AppStore-ում։ Առաջին մի քանի օրերին այն ներբեռնել է արդեն մոտ 800 մարդ։ Բայց ուսանողները ոչ գովազդ են տեղադրել, ոչ էլ վճար սահմանել։ Նրանց համար գլխավորն այն է, որ մարդիկ նորից կարողանան տեսնել նկարներ, այլ ոչ թե սովորական լուսանկարներ։
Հիմա հավելվածում հասանելի է 6 նկարիչների ոճով ոճավորում։
«Լուսանկարների նման ոճավորող հավելված աշխարհում գոյություն ունի՝ Prisma-ն։ Պարզապես հայ նկարիչները ոճերը դրանում չկան։ Իսկ մենք ուզում ենք, որ հայերը դրանք ավելի լավ ճանաչեն»,- ասում է մշակման համահեղինակ, Երեւանի պետական համալսարանի 4-րդ կուրսի ուսանող Գրիշա Թադեւոսյանը։
Մինաս Ավետիսյանի երանգներով ու Գառզուի շտրիխներով լուսանկարներ արդեն հայտնվել են սոցցանցերում։ Բայց դրանցով դժվար թե մշակեն սրճարաններում սմարթֆոններով արվող սելֆիները՝ Գրիշան ու նրա ընկերները դրանում համոզված են։ Ով թեկուզ մեկ անգամ տեսնի Արշիլ Գորկու «Մայրիկիս գոգնոցը» կտավը կամ Հակոբ Հակոբյանի նատյուրմորտները, նա այլեւս իրեն նման բան թույլ չի տա։
