Ներկայումս Հայաստանում տեղեկատվական տեխնոլոգիաների ոլորտում գործում են շուրջ 250 ընկերություններ։ ՏՏ զարգացման հայեցակարգի համաձայն՝ 2010-1018 թթ. պետք է ստեղծվեն եւս շուրջ 1000 ընկերություն։
Ինֆորմացիոն տեխնոլոգիաների ձեռնարկությունների միության նախագահ Հովհանննես Ավոյանը NEWS.am - Ինովացիայի թղթակցի հետ զրույցում ասաց, որ եթե այդ ամենը ինքնահոսի թողնվի, ապա հաստատ այդ ժամկետում այդ քանակությամբ ընկերություններ չենք ունենա։
«Այժմ հիմնական շեշտը դրվում է էլեկտրոնային հասարակության զարգացման վրա, իսկ ձեռնարկությունների զարգացման ուղղությամբ ավելի քիչ աշխատանք է տարվում»,-ասաց Հ. Ավոյանը։ Նրա խոսքով՝ հարկավոր է գործողությունների հստակ պլան, ինչն առայժմ բացակայում է։