News
Լրահոս
News
Կիրակի
Հուլիս 22
Տեսնել լրահոսը

Իսպանական Կատալոնիայում անկախության հանրաքվեն անցնում չափազանց լարված մթնոլորտում։ Պարբերաբար քաղաքում բախումներ են լինում Կատալոնիայի բնակիչների եւ ոստիկանների միջեւ։ Այս մասին NEWS.am-ի հետ զրույցում նշեց Բարսելոնայի հայկական մշակութային միության ատենապետ Տաթեւ Սուլյանը։

Հարցին, թե ինչպես է անցնում հանրաքվեն, ինչ տրամադրություններ են տիրում քաղաքում, նա պատասխանեց. «Հանրաքվեի անցկացնումը, համաձայն Իսպանիայի Սահմանադրության, անօրինական է, սակայն կատալոնացիները համաձայն ազգերի ինքնորոշման իրավունքի, ցանկանում են ժողովրդավարական ճանապարհով իրենց պետությունը կերտել։ Այստեղ բնակչությունը ընդհանրապես կողմ է հանրաքվեի անցկացման եւ անկախությանը։ Կատալոնիայում լարված իրավիճակ է, Իսպանիայի ոստիկանական ուժերը հատուկ հրամանով ժամանել են Կատալոնիա՝ կանխելու համար կատալոնացիների կամքի արտահայտումը։ Վերջին օրերին եղան ձեռբակալություններ, իսկ այսօր արդեն գրանցվել են բախումներ»

Սուլյանը վստահություն հայտնեց, որ հանրաքվեի արդյունքները անկասկած կլինեն անկախության օգտին։ Նա տեղեկացրեց, որ անցնող օրերին Իսպանիայի իշխանությունները ձերբակալել են Կատալոնիայի ինքնավար մարզի որոշ ղեկավարների, կատալոնական ապահովական ուժերի ներկայացուցիչների. «Նաեւ Իսպանիայի իշխանությունը ձեռքը դրեց Կատալոնիայի ֆինանսական եւ հարկային դաշտի վրա՝ որը համաձայն իսպանական օրենքի Կատալոնիայի ինքնավար մարզի տնօրինման ենթակա է։ Իսպանական կառավարությունը հատուկ հսկողություն է սահմանել նաեւ կապի եւ հաղորդակցության վրա՝ փակելով հանրաքվեի եւ առհասարակ անկախության կողմնակից ՀԿ-ների, քաղաքական հիմնարկների եւ լրատվամիջցների կայքերը։

Սպասվում են լարված օրեր, բողոքի հավաքները շարունակվելու են, լինում են եւ կլինեն որոշ բախումներ ինչպես նաեւ մարդիկ փողոց դուրս կգան։ Կատալոնիայի ինքնավար մարզի ղեկավարությունը եւ ժողովրդի մեծամասնությունը կողմ է, հաստակամ է եւ իր պայքարը շարունակելու է, մի պայքար որ սկսվել է տարիներ առաջ»։

Հարցին, թե ի՞նչ վտանգներ կարող են լինել կապված հանրաքվեի հետ եւ ինչպիսի՞ն է Կատալոնիայի հայերի դիրքորոշումը հանրաքվեի հարցում, Բարսելոնայի հայկական մշակութային միության ատենապետը պատասխանեց. «Առաջիկա օրերին կլինի ընդհանուր լարվածություն, Իսպանիայի իշխանությունը, որպես պետություն, լարվածությունը զսպելու համար ունի իր ռազմավարությունը։ Կատալոնիան էլ իր հերթին ունի իր ռազմավարությունը։ Մենք որպես Կատոլոնիայում ապրող հայեր՝ կիսում եւ մեր համերաշխությունն ենք հայտնում կատալոնացիներին եւ առհասարակ այն ազգերին, որոնք պայքարում են իրենց ապագան ընտրելու՝ հիմնվելով ազգերի ազատ ինքնորոշման սկզբունքի վրա, իրականացնելու համար իրենց ազատ, ինքնիշխան եւ ժողովրդավարական իդեալների տեսլականը»։

Իսկ Կատալոնիայի անկախության պայքարի հաջող ավարտը կարո՞ղ է իր ազդեցությունն ունենալ ընդհանրապես աշխարհում եւ մասնավորապես Արցախի խնդրում ինքնորոշման իրավունքի իրացմանը, հարցին էլ արձագանքեց. «Իմ կարծիքով, Կատալոնիայի եւ Քուրդիստանի անկախության հանրաքվեները՝ անկախ արձանագրվելիք արդյունքներից, իր ազդեցությունը կթողնեն տարածաշրջանների վրա։ Կատալոնիայում Արցախի ինքնորոշման իրավունքին դրական մոտեցում են ցուցաբերում եւ ընդունում են, որ արցախահայության պայքարը օրինակ է ծառայելու նաեւ այդ պայքարին հավատացող կատալոնացիներին»։

!
Այս նյութը հասանելի է նաև   English
Տպել
Կարդացեք նաև
Ամբողջը
Արծրուն Հովհաննիսյանը ադրբեջանական կողմում գտնվող վերահսկելի տարածքների լուսանկարներ է հրապարակել (ֆոտո)
Եթե սա կոչվում է վերահսկել, ապա պարզվում է մենք լիովին վերահսկում ենք Օրդվան-Օրդուբադն ու մոտակա գյուղերը...
Անցած շաբաթ Ադրբեջանի զինուժը հրադադարը խախտել է 150 անգամ՝ արձակելով մոտ 1300 կրակոց. Արցախի ՊՆ
ՊԲ-ի առաջապահ զորամասերը տիրապետում են օպերատիվ-մարտավարական իրադրությանը և շարունակում վստահորեն իրականացնել մարտական հերթապահություն…
Ֆրանսիան կշարունակի նպաստել ղարաբաղյան հակամարտության կարգավորմանը․ Մակրոն
Երկու երկրների նախագահները մտքեր են փոխանակել ղարաբաղյան հակամարտության վերաբերյալ․․․
Հայաստան-Ռուսաստան հարաբերությունները չեն սահմանափակվում միայն մեկ ղարաբաղյան կարգավորմամբ. քաղաքագետ
«Երկու կողմերի միջեւ քաղաքական վերլուծության մակարդակը, ըստ երեւույթին, բավականաչափ բարձր մակարդակի վրա չէ...
Բելառուսի նախագահի հետ քննարել եմ Ադրբեջանին զենքի վաճառքի հարցը. Փաշինյան
Եւ խոսակցությունը Բելառուսի նախագահի հետ եղել է հենց այդ համատեքստում՝ ուղիղ, պարզ եւ այդ խոսակցությունը կշարունակվի բոլոր առիթներին...
Համոզված եմ, որ ՌԴ թույլ չի տա պատերազմի վերսկսումը Ադրբեջանի հետ. Փաշինյան
Ես համոզված եմ եւ կարծում եմ՝ բոլորս գիտենք, որ Ռուսաստանը կարող է թույլ չտալ պատերազմը...
Ամենաշատ
Partner news