News
Լրահոս
News
Երեքշաբթի
Դեկտեմբեր 06
USD
395.53
EUR
393.43
RUB
6.42
Տեսնել լրահոսը

Նախօրեին Ախալքալաքի շրջանի Գումբուրդո գյուղում տեղի ունեցած միջադեպը շարունակում է ուշադրության կենտրոնում մնալ ինչպես հայկական, այնպես էլ վրացական մամուլում, իսկ սոցիալական ցանցերում չեն դադարում քննարկումները, հաղորդում է Jnews.ge-ն:

Հիշեցնենք՝ այսօր Ախալքալաքի շրջանի Գումբուրդո գյուղի բնակիչները փորձել են խաչքար տեղադրել եղբայրական գերեզմանատանը, որտեղ ամփոփվել են 10-րդ դարի եկեղեցու վերանորոգման աշխատանքների ժամանակ հայտնաբերված ոսկորները, սակայն նախ ներքին գործերի նախարարության անվտանգության ծառայության ներկայացուցիչները չեն թույլատրել բնակիչներին տարածք մուտք գործել, այնուհետեւ բնակիչների ու ոստիկանների միջեւ բախում է տեղի ունեցել:

Միջադեպի հետքերով ժամանել են հատուկ ջոկատայիններ: Իրավապահների եւ տեղացիների միջեւ տեղի ունեցած բախումների հետեւանքով վիրավորվել են ինչպես գյուղացիներ, այնպես էլ ոստիկաններ: Ըստ ՆԳՆ հայտարարության՝ վնասվել է նաեւ նախարարության ենթակայության տակ գտնվող մի քանի մեքենա: Ձերբակալվել եւ ավելի ուշ ազատ են արձակվել երկու անձինք: Դեպքի վայր է ժամանել նաեւ ՆԳ նախարար Գիորգի Մղեբրիշվիլին: Տեղում են եղել նաեւ տեղական ինքնակառավարման մարմինների ներկայացուցիչներ, խորհրդարանի պատգամավոր Սամվել Մանուկյանն ու «Վրաց հայրենասերների դաշինք»-ից Ախալքալաքի քաղաքապետի թեկնածու Սամվել Պետրոսյանը:

Նախարարը բանակցություններ է վարել, որից հետո հայտարարվել է, թե խաչքարի տեղադրման հարցը պետք է լուծվի հոգեւորականների մասնակցությամբ:

Ավելի ուշ, եկեղեցու տարածք է մեկնել նաեւ Վրաստանի մշակութային ժառանգության պաշտպանության գործակալության ղեկավար Նիկոլոզ Անթիձեն: Նրա խոսքով, անհասկանալի է, թե ինչու է այսօր նման իրավիճակ ստեղծվել, քանի որ նորոգման աշխատանքները երկու տարի շարունակ ընթացել են առանց խնդիրների:

«Կարծում եմ աշխատանքները կշարունակվեն առանց որեւէ խնդրի»,- հավելել է Անթիձեն:

ՀՀ ազգային ժողովի փոխնախագահ, հայ-վրացական բարեկամական խմբի ղեկավար Էդուարդ Շարմազանովը հեռախոսազրույց է ունեցել վրաստանցի գործընկերոջ հետ՝ իր անհանգստությունը հայտնելով ստեղծված իրավիճակի առիթով: Շարմազանովը հույս է հայտնել, որ իրավիճակը կկարգավորվի հնարավորինս սեղմ ժամկետներում:

Թեման լայն քննարկումների առիթ է դարձել նաեւ սոցիալական ցանցերում: Մասնավորապես՝ «Ռուսթավի 2», Tabula եւ Interpressnews լրատվականների ֆեյսբուքյան պաշտոնական էջերում տեղադրված նյութերի մեկնաբանություններում տեղ են գտել այնպիսիններ, որոնք կարող են դասվել ազգային հողի վրա ատելություն հրահրող հայտարարությունների շարքին (մեկնաբանություններում տեղ գտած հայհոյանքների պատճառով զերծ ենք մնում օրինակներ նշելուց): Միեւնույն ժամանակ, նույնը կարծես, նկատվում է նաեւ հայաստանյան սոցտարածքում, գրեթե նույն բովանդակությամբ:

Հատկանշական է, որ ինչպես վրաստանյան, այնպես էլ հայաստանյան լրատվամիջոցները իրադարձությունը լուսաբանելիս նշում են, թե միջադեպը տեղի է ունեցել հայ գյուղացիների եւ վրաց ոստիկանների միջեւ, («Էթնիկ հայերի առճակատումը վրաց ոստիկանների հետ» , «Գումբուրդոյի հայ բնակչության եւ ոստիկանության միջեւ միջադեպ է տեղի ունեցել», «Ջավախքում բախումներ են տեղի ունեցել հայերի եւ ոստիկանների միջեւ» եւ այլն) մինչդեռ տեղում աշխատող Jnews  լրատվականի լրագրող Աղունիկ Այվազյանը նշում է, որ երկու կողմից էլ եղել են եւ՛ վրացիներ, եւ՛ հայեր:

Տպել
Կարդացեք նաև
Ամբողջը
Ջավախքում բեռնատարների կուտակումները խանգարում են բերքահավաքին
Կարտոֆիլի բերքահավաքն սկսվել է, այդ բեռնատարները մեզ խանգարում են: Այս ճանապարհը պետք է լայնացնել, 3-րդ գիծ է պետք: Գիտեք ինչքան շատ է լինում, երբ…
Ախալքալաքում բողոքում են Մկոյանների հիդրոէլեկտրակայանի փակման դեմ
Ցուցարարներից մեկի խոսքով` ՀԷԿ-ի էլեկտրաէներգիան շատ ավելի էժան է...
Վրաստանի ՆԳՆ-ն հետաքննություն է սկսել ԱԺ պատգամավոր Հենզել Մկոյանի նկատմամբ շանտաժի գործով
«Նրան ասում են հեռանալ քաղաքականությունից եւ 5 միլիոն դոլար փոխանցել իրենց հաշվեհամարներին, հակառակ դեպքում սպառնում են սպանել նրան եւ նրա ընտանիքի անդամներին...
Ախալքալաքի դատարանը որոշում է կայացրել կալանքի տակ թողնել ամբաստանյալ Արթուր Գաբրիելյանին
Ամբաստանյալի փաստաբանը եւս համաձայնել է, որպեսզի Ա.Գ.-ն մնա կալանքի տակ...
Ախալքալաքում ձերբակալված Արթուր Գաբրիելյանին պաշտոնապես մեղադրանք է առաջադրվել
Քննությամբ պարզվել է, որ մեղադրյալ Ա.Գ.-ն վեճի ընթացքում հրազենից մահացու վիրավորել է Վ.Մ.-ին...
Ախալքալաքում վենդետան չի բացառվում. դեպքի մասին պատմում է Արտակ Գաբրիելյանը
Այնուհետեւ սպանվածի կողմնակիցներն արդեն հրկիզել են սպանողի տունը, հայրական տունը, իրեն պատկանող հյուրանոցը եւ եւս 2 տուն…
Ամենաշատ