Պաշտպանության նախարարությանը հաջողվել է գնումների համար ծախսերի 10 տոկոսը տնտեսել դրանց կարգավորման շնորհիվ: Հոկտեմբերի 2-ին կայացած մամուլի ասուլիսի ժամանակ այս մասին ասաց պաշտպանության նախարար Վիգեն Սարգսյանը՝ ամփոփելով մեկամյա գործունեությունը:

Նրա խոսքով՝ խնայված միջոցները կուղղվեն պաշտպանությանը: Բանակի մատակարարները պետք է վստահ լինեն, որ գործում են մրցակցային հավասար պայմաններում, իսկ մենք պետք է վստահ լինենք արտադրանքի որակի հարցում, հիշեցրեց նախարարը: