Վրաստանը դժվար թե ինչ-որ բան շահեց, ԱՊՀ-ից դուրս գալով, փոխարենը կորցրել է մի շարք հնարավորություններ: Այս մասին դեկտեմբերի 10-ին հայտարարել է Ռուսաստանի նախագահ Դմիտրի ՄեդվեդեւըՄոսկվայում ՀԱՊԿ եւ ԱՊՀ երկրների գագաթաժողովներից հետո մամուլի ասուլիսի ժամանակ:
«Նա, ով լքեց այդ հրապարակը (ԱՊՀ-ն), այս դեպքում ես խոսում եմ Վրաստանի մասին, դժվար թե ինչ-որ բան շահեց, նրանք չունեն հնարավորություն շփվել բոլոր երկրների հետ միասին, որոշ համաձայնագրեր նրանց համար կորցրել է ուժը: Դա նշանակում է, որ անգամ նման բացասական ձեւով ԱՊՀ-ն ցույց է տալիս երկրների միջեւ հարաբերությունները կարգավորելու ունակությունը, օգնում մեզ համատեղ զարգանալ»,- ասել է Մեդվեդեւը, նկատելով, որ ԱՊՀ գործունեության ընթացքում միշտ էլ որոշակի դժվարություններ լինելու են:
Հիշեցնենք, որ ԱՊՀ-ից դուրս գալու որոշումը Վրաստանի իշխանությունները կայացրեցին 2008-ին ռուս-վրացական պատերազմից հետո: Հաջորդ տարվա օգոստոսին Վրաստանը պաշտոնապես դուրս եկավ այդ կառույցից, բայց մնաց ԱՊՀ ձեւաչափով ստորագրված 75 համաձայնագրերի անդամ: