News
Լրահոս
News
Շաբաթ
Դեկտեմբեր 03
USD
395.53
EUR
393.43
RUB
6.42
Տեսնել լրահոսը

Ջավախքի Գումբուրդո գյուղում գտնվող X դարի եկեղեցին, որի բակում խաչքար տեղադրելու հետ կապված սեպտեմբերի 30-ին գյուղի բնակիչենրի եւ ոստիկանների միջեւ բախում էր տեղի ունեցել,  հսկվում է ոստիկանների կողմից: Այս մասին այսօր՝ հոկտեմբերի 2-ին, NEWS.am-ի հետ զրույցում ասաց «Վիրք» չգրանցված կուսակցության համանախագահ Դավիթ Ռստակյանը: Նա նշեց, որ գյուղում իրավիճակն այժմ հանգիստ է եւ Գումբուրդոյի մի խումբ բնակիչներ պատրաստվում են մեկնել Թբիլիսի՝ պարզաբանում պահանջելու ստեղծված իրավիճակի վերաբերյալ:

«Պայմանավորվել են, որ այս խնդրով պետք է զբաղվեն հոգեւորականները: Մեր ունեցած տեղեկություններով, Վիրահայոց թեմի առաջնորդ Վազգեն եպիսկոպոս Միրզախանյանն այսօր պետք է լիներ Ախալքալաքում, բայց նա Հայաստանից միանգամից Թբիլիսի է գնացել: Բնակիչների մի խումբ կա, որ գնալու է Թբիլիսի պարզաբանում պահանջելու: Ոստիկանական մեքենաները Գումբուրդոյում են, հսկում են իրավիճակը, անվտանգությունը: Բայց անհասկանալի է այդ հսկողությունը, քանի որ երկար տարիներ մարդիկ ապրել են այդ գյուղում, եկեղեցին էլ իրենցն է եւ ոչ ոք այդ եկեղեցուն ձեռք չի տվել եւ չի էլ պատրաստվում»,-ասաց նա:

Դավիթ Ռստակյանի խոսքով, Գումբուրդոյի վերակառուցվող եկեղեցի թույլ չեն տալիս մտնել եւ հիմնավոր կասկածներ կան, որ X դարի եկեղեցու ներսում ինչ-որ փոփոխություններ են արվում, որպեսզի վերջում հայտարարեն, թե այն վրաց ուղղափառ եկեղեցի է եղել.  «Ես լուրջ կասկածներ ունեմ, որ եկեղեցու ներսում լուրջ փոփոխություններ են անում, այդ պատճառով էլ փակ է այն, չեն թողնում, որպեսզի գյուղի բնակիչները մտնեն, մոմ վառեն: Վրացական ինչ-որ բաներ կտեղադրեն, գրություններ կանեն, որպեսզի վերջում ասեն, որ դա ուղղափառ եկեղեցի է: Վրաստանի այսօրվա իշխանություններն ուզում են, որ այդ եկեղեցին ոչ թե մշակույթի հուշարձան լինի, այլ ռեստավրացիա են անում, որպեսզի տուրիզմը զարգացնեն, իրենց փողն է հետաքրքիր միայն»,-ասաց նա:

Հիշեցնենք, որ Ջավախքում սեպտեմբերի 30-ի առավոտյան բախումներ են եղել Գումբուրդո քաղաքի բնակիչների եւ ոստիկանների միջեւ: Բնակիչները ցանկացել են X դարի եկեղեցու բակում խաչքար տեղադրել, քանի որ այնտեղ թաղված են իրենց նախնիների ոսկորները: Ոստիկանները նրանց ներս չեն թողել՝ ասելով, որ ունեն համապատասխան հրաման: Իրավիճակը թեժացել է, դեպքի վայր են ժամանել հատուկ նշանակության զորքերը: Ոստիկաններն օդ են կրակել եւ մահակներով ծեծել տեղի հայ բնակիչներին:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ջավախքում բեռնատարների կուտակումները խանգարում են բերքահավաքին
Կարտոֆիլի բերքահավաքն սկսվել է, այդ բեռնատարները մեզ խանգարում են: Այս ճանապարհը պետք է լայնացնել, 3-րդ գիծ է պետք: Գիտեք ինչքան շատ է լինում, երբ…
Ախալքալաքում բողոքում են Մկոյանների հիդրոէլեկտրակայանի փակման դեմ
Ցուցարարներից մեկի խոսքով` ՀԷԿ-ի էլեկտրաէներգիան շատ ավելի էժան է...
Վրաստանի ՆԳՆ-ն հետաքննություն է սկսել ԱԺ պատգամավոր Հենզել Մկոյանի նկատմամբ շանտաժի գործով
«Նրան ասում են հեռանալ քաղաքականությունից եւ 5 միլիոն դոլար փոխանցել իրենց հաշվեհամարներին, հակառակ դեպքում սպառնում են սպանել նրան եւ նրա ընտանիքի անդամներին...
Ախալքալաքի դատարանը որոշում է կայացրել կալանքի տակ թողնել ամբաստանյալ Արթուր Գաբրիելյանին
Ամբաստանյալի փաստաբանը եւս համաձայնել է, որպեսզի Ա.Գ.-ն մնա կալանքի տակ...
Ախալքալաքում ձերբակալված Արթուր Գաբրիելյանին պաշտոնապես մեղադրանք է առաջադրվել
Քննությամբ պարզվել է, որ մեղադրյալ Ա.Գ.-ն վեճի ընթացքում հրազենից մահացու վիրավորել է Վ.Մ.-ին...
Ախալքալաքում վենդետան չի բացառվում. դեպքի մասին պատմում է Արտակ Գաբրիելյանը
Այնուհետեւ սպանվածի կողմնակիցներն արդեն հրկիզել են սպանողի տունը, հայրական տունը, իրեն պատկանող հյուրանոցը եւ եւս 2 տուն…
Ամենաշատ