Կատալոնիայի անկախության հանրաքվեի անցկացման օրը անկարգությունների հետեւանքով տուժածների թիվն աճել է մինչեւ 893 մարդ: Այս մասին երկուշաբթի հայտնել են Կատալոնիայի կառավարության առողջապահության դեպարտամենտից, փոխանցում է «ՌԻԱ Նովոստի»-ն:
Ավելի վաղ հաղորդվում էր հանրաքվեի մասնակից 844 տուժածի մասին, վնասվածքներ են ստացել նաեւ 33 ոստիկաններ:
Կատալոնիայի կառավարությունն արդեն Իսպանիայի կենտրոնական իշխանությանը մեղադրել է հանրաքվեի անցկացման օրը ոստիկանության եւ Ազգային գվարդիայի անհամաչափ ու դաժան գործողությունների համար, ինչպես նաեւ դատապարտել է ռետինե փամփուշտների եւ արցունքաբեր հատուկ գազի կիրառումը մարդկանց ցրելու համար:
