Տրոլեյբուսի վթարի հետեւանքով «Հերացի» թիվ 1 հիվանդանոցային համալիրում բուժում ստացող տուժածներից 3-ը տեղափոխվել են հիվանդասենյակներ, իսկ 1-ը մնում է վերակենդանացման բաժանմունքում՝ նրա վիւճակը շարունակում է մնալ կայուն ծանր։ Այս մասին NEWS.am-ին հայտնում են «Հերացի» թիվ 1 հիվանդանոցային համալիրից։
Հիշեցնենք, որ վթարի օրը «Հերացի» թիվ 1 հիվանդանոցային համալիր էին տեղափոխվել 6 հոգի՝ 48–ամյա Արտակ Թորոսյանը,66–ամյա Սրբուհի Նյուրբեկյանը, 72–ամյա Վերա Երզնկյանը, 66–ամյա Ելենա Իվանյանը, 29–ամյա Արամ Գրիգորյանը եւ 21–ամյա Սոս Աբազյանը։ Ավելի ուշ Արամ Գրիգորյանն ու Սոս Աբազյանը, ստանալով անհրաժեշտ բուժոգնություն, դուրս են գրվել հիվանդանոցից։
«Գրիգոր Լուսավորիչ» ԲԿ տեղափոխված տուժածներ 67-ամյա Մովսես Նաջարյանը, 60-ամյա Արմենուհի Միրզոյանը եւ 67-ամյա Աբրահամ Ստեփանյանը վերակենդանացման բաժանմունքից տեղափոխվել են Վնասվածքաբանության եւ օրթոպեդիայի բաժանմունք, ու մոտակա օրերին կվիրահատվեն։ Այս մասին NEWS. am-ին հայտնեց «Սուրբ Գրիգոր Լուսավորիչ» բժշկական կենտրոնի Վնասվածքաբանության եւ օրթոպեդիայի բաժանմունքի վարիչ Կարեն Մանուկյանը։ Նրա հաղորդմամբ, երեք տուժածների առողջական վիճակը գնահատվում է բավարար։
Հիշեցնենք, որ սեպտեմբերի 28-ի կեսօրին Երեւանում տրոլեյբուսը բախվել է պատնեշին: Նախնական տվյալներով՝ վթարը տեղի է ունեցել վարորդի մեղքով, ով փորձել է տրոլեյբուսի պոզերը տեղը գցել:
