Այն, որ Ղարաբաղը պաշտոնական մակարդակով ճանաչել է Իրաքի Քուրդիստանի ժողովրդի կամարտահայտման իրավունքը, միջազգային ասպարեզում իր եւ իր դիրքորոշման մասին հայտարարելու միջոց էր։ Հոկտեմբերի 2-ին՝ լրագրողների հետ հանդիպման ժամանակ, նման կարծիք է հայտնել փորձագետ Ստեփան Սաֆարյանը։
Նրա կարծիքով Ղարաբաղը ճիշտ է վարվել։ «Այլ բան է Հայաստանի կողմից ճանաչումը, որը ոչ միայն նոր հնարավորություններ կբացի, այլ նաեւ երկրի համար որոշակի մարտահրավերներ կստեղծի»,– նշել է Սաֆարյանը եւ հավելել, որ Երեւանը շահագրգռված չէ Բաղդադի եւ Թեհրանի հետ հարաբերությունների վատթարացմամբ։
