ՀՀ վարչապետ Կարեն Կարապետյանի ավանդը Գյումրու վերականգնման ֆոնդում միակը չէ։ Այս մասին – NEWS.am–ին հայտնել է Շիրակի մարզպետ Արթուր Խաչատրյանը։
2017–ի փետրվարին վարչապետ Կարեն Կարապետյանը հայտնել էր, որ ինքն ու իր ընտանիքը Գյումրու պատմական կենտրոնի վերականգնման ֆոնում 500 հազար դոլար են ներդնելու։
«Դա միակ ավանդը չէ, եղան եւ ուրիշները։ Հիմա վերականգնողական աշխատանքներ են ընթանում Ռուսթավելի փողոցում։ Իսկ շուտով կսկսենք եւ այլ փողոցների բարեկարգման աշխատանքները։ Ընդհանուր առմամբ Կումայրի պատմամշակութային արգելոցի համար քաղաքի կենտրոնում 5 հա տարածք է հատկացվել»,– ասել է մարզպետը։