Լաս Վեգասում հրաձգություն արձակած տղամարդն ինքնասպան է եղել։ Այս մասին հայտնել է քաղաքի շերիֆ Ջո Լոմբարդոն, փոխանցում է Reuters–ը։
Ավելի վաղ հաղորդվում էր, որ նրան սպանել են ոստիկանները։
Հյուրանոցի համարում, որտեղ նա ապրում էր, ավելի քան մեկ տասնյակ միավոր զենք է հայտնաբերվել։
Ավելի քան 50 մարդու սպանած հանցագործն ապրում էր հյուրանոցի համարում, որտեղից էլ կրակ էր բացել քանթրի երաժշտության փառատոնի մասնակիցների վրա։
Հիշեցնենք, որ Լաս Վեգասում հրաձգության զոհերի թիվը հասել է 50–ի, կա ավելի քան 400 վիրավոր։
Հրաձգությունը տեղի է ունեցել Route 91 քանթրի փառատոնի ժամանակ։ Հրաձիգը սպանվել է։ Նրա ինքնությունը պարզվել է՝ 64–ամյա ոմն Սթիվեն Փեդոք։ Սա ԱՄՆ–ում զոհերի թվով խոշորագույն զինված հարձակումն է։