«Իսլամական պետություն» ահաբեկչական խմբավորումը ստանձնել է Լաս Վեգասում հրաձգության պատասխանատվությունը։ Այս մասին հայտնում են արեւմտյան լրատվամիջոցները՝ վկայակոչելով ԻՊ «Ամակ» գործակալությանը։

ԻՊ–ում հայտնել են, որ Սթիվեն Փեդոքն իբր թե իսլամ է ընդունել մի քանի ամիս առաջ։

Հիշեցնենք, որ ավելի քան 50 մարդու սպանած հանցագործն ապրում էր Mandalay խաղատուն–հյուրանոցի համարում, որտեղից էլ կրակ էր բացել քանթրի երաժշտության փառատոնի մասնակիցների վրա։

Նշենք  Լաս Վեգասում հրաձգության զոհերի թիվը հասել է 50–ի, կա ավելի քան 400 վիրավոր։

Հրաձգությունը տեղի է ունեցել Route 91 քանթրի փառատոնի ժամանակ։ Հրաձիգը սպանվել է։ Նրա ինքնությունը պարզվել է՝ 64–ամյա ոմն Սթիվեն Փեդոք։ Սա ԱՄՆ–ում զոհերի թվով խոշորագույն զինված հարձակումն է։