Լաս Վեգասում հրաձգության հեղինակ Սթիվեն Փեդոքը ավելի քան 40 միավոր զենք է ունեցել, մամուլի ասուլիսի ժամանակ հայտնել է ոստիկանության ներկայացուցիչը, փոխանցում է «ՌԻԱ Նովոստի»-ն։
«Մենք 23 միավոր հրազեն ենք գտել Mandalay Bay հյուրանոցում եւ 19 միավոր էլ՝ նրա տանը»,- ասել է ոստիկանության ներկայացուցիչը
Նա հավելել է, որ հետաքննությունը նախկինի պես ենթադրում է, որ 64-ամյա Փեդոքը միակ հանցագործն է եւ կարծումմ է, որ նա միայնակ է գործել։ «Մենք գիտենք, որ սոցցանցերում տարբեր տեղեկություններ են եղել, սակայն մենք որեւէ ինֆորմացիա չունենք, որը կհաստատի այդ շշուկները»,- ասել է ոստիկանության սպան։
Հրաձգությունը տեղի էր ունեցել երաժշտական փառատոնի ժամանակ Mandalay Bay հյուրանոց-խաղատան մոտ։ Հրաձիգը կրակ էր բացել հյուրանոցի 32-րդ հարկից։ Հրաձգությունից զոհվել է 59 մարդ, ավելի քան 500-ը վիրավոր են։