Ուկրաինայի նախագահ Պյոտր Պորոշենկոյի եւ ՆԳ նախարար Արսեն Ավակովի միջեւ կոնֆլիկտն առկա է նախագահի ընտրության առաջին իսկ օրվանից։ Այս մասին հայտնել է Ուկրաինայի ՆԳՆ նախկին խորհրդական Անտոն Գերաշչենկոն, փոխանցում է «Ուկրաինսկայա պրավդա»-ն։
«Այո, նախագահ Պյոտր Պորոշենկոյի ընտրվելու առաջին իսկ օրվանից»,- ասել է Գերաշչենկոն՝ պատասխանելով հարցին, թե Պորոշենկոն եւ Ավակովը կոնֆլիկտ ունեն, թե ոչ։
Նա նշել է, որ կոնֆլիկտի պատճառը անվտանգության ապահովման ու քրեական հետաքննությունների շուրջ տարբեր մոտեցումներն են։
«Նախագահն ուզում էր իրավապահների նկատմամբ ամբողջ իշխանությունը կենտրոնացնել իր ձեռքում, իսկ «Ազգային ճակատը», ես ու Ավակովը կարծում ենք, որ դա վտանգավոր նախադեպ է»,- ասել է Գերաշենկոն։