Ես ընդհանրապես չեմ խառնվում Արտաշատի ընտրություներին: Այս մասին այսօր՝ հոկտեմբերի 3-ին, խորհրդարանում լրագրողների հետ զրույցում նշել է Արարատի մարզից պատգամավոր Արայիկ Գրիգորյանը՝ անդրադառնալով Արտաշատի քաղաքապետի ընտրություններին, որտեղ մրցակցություն էր սպասվում Արայիկ Գրիգորյանի եւ նախկին վարչապետ Հովիկ Աբրահամյանի թիմակիցների միջեւ: Արայիկ Գրիգորյանն ասաց, որ ինքը Արարատի քաղաքապետի ընտրություններով է զբաղված այս փուլում. «Արարատում էլ ունենք քաղաքապետի ընտրություն, ես Արարատով եմ զբաղված»,-նշեց նա:
Հիշեցնենք, որ Արտաշատի քաղաքապետի ընտրություններում ՀՀԿ թեկնածու լինելու է Արտաշատի ավագանու անդամ Կարեն Բենիամինյանը: Նա հանդիսանում է «Էյ-Ի-Ջի» Սերվիս» ԳՀՏՍ ծառայության պետ, ապրիլի 2-ին տեղի ունեցած խորհրդարանական ընտրություններում թիվ 5 ընտրատարածքում ընդգրկված էր ՀՀԿ-ի վարկանիշային ցուցակում եւ մարզում կարողացել էր ստանալ 1239 ձայն»:
Նախկին վարչապետ Հովիկ Աբրահամյանի թիմը հրաժարվել է թեկնածու առաջադրել, իսկ Արտաշատի փոխքաղաքապետ Գագիկ Պողոսյանը, ով նախկին վարչապետի ազգականն է, հրաժարա¬կան է տվել: