ՀՀ քաղաքացիների կենսաթոշակային կուտակումներն արդեն 33 տոկոս եկամուտ են բերել։ Այս մասին հոկտեմբերի 3-ին ԱԺ-ում ասել է ֆինանսների փոխնախարար Կարեն Թամազյանը՝ ելույթ ունենալով «Կուտակային կենսաթոշակների մասին» օրենքում փոփոխությունների քննարկմանը։

Պատասխանելով խորհրդարանի փոխխոսնակ Միքայել Մելքումյանի հարցին՝ նա նշեց, որ մասնավոր թոշակային ֆոնդերին հատկացումներն իզուր չեն։ 2014 թվականից այնտեղ արդեն 80 մլրդ դրամ է հավաքվել։ Ընդ որում, այդ տարիներին դրանք մոտ 33 տոկոս եկամուտ են բերել կառավարող ընկերություններին։ Ի պատասխան  հարցին, թե իշխանությունները մինչեւ երբ են պատրաստվում հետաձգել թոշակային բարեփոխումների ամբողջական կիրառումը՝ Թամազյանն ասաց, որ վերջնաժամկետը 2018-ի հուլիսի 1-ն է արդեն նաեւ մասնավոր սեկտորի համար, եւ ոչ ոք դա չեղարկել չի պատրաստվում։