Հայաստանում կարող են էական թանկացումներ լինել ԵՏՄ-ի անդամակցության արդյունքում: Այս մասին Ազգային Ժողովում այսօր՝ հոկտեմբերի 3-ին, «Ելք»-ի առաջարկած ԵՏՄ-ից դուրս գալու հարցը քննարկելու համար խորհրդարանում ժամանակավոր հանձնաժողով ստեղծելու հարցի քննարկման ժամանակ ասաց պատգամավոր Նիկոլ Փաշինյանը:
«Մենք ասում ենք, որ ԵՏՄ-ի անդամակցության տարիներին բացասական երեւույթներ են եղել, էական թանկացումներ կարող են լինել, ասում ենք այսպիսի ախտանշաններ կան: Հանրապետական մեծամասությունն էլ ասում է՝ ինչ ախտանշան, լավ է, նորմալ է, բան...Ասում ենք՝ ժողովուրդ ջան, եթե դուք էս ախտանշանների խորը արմատները չգիտեք, ուրեմն պետք ա «յամեռ» անենք, որ տենանք՝ էս ախտանշաններն ինչից են, վիրուս ա, ինչ ա, օրգանիզմը հիվանդ ա, հիվանդ չէ: ՀՀԿ-ականներն ասում են՝ այ ախպեր ինչ «յամեռ», ինչ բան, թող քրտնի, մալինայով մուրաբա խմի, քարաբաղնիս կանենք, կքրտնի, կչորանա, կանցնի»,-ասաց Նիկոլ Փաշինյանը:
Հիեցնենք, որ ԱԺ մշտական հանձնաժողովը դրական եզրակացություն չէր տվել նախագծին, այն արտահերթ է քննարկվում խորհրդարանում:
Հիշեցնենք, որ «Ելք»-ն առաջարկում է ԵՏՄ-ից դուրս գալու հարցը քննարկելու համար խորհրդարանում ստեղծել ժամանակավոր հանձնաժողով, որը հնարավորություն կունենա հարցն ուսումնասիրել 2 ամիս: