Հայաստանում կարագի գների բարձրացման պատճառը միջազգային շուկայում տիրող իրավիճակն է: Այս մասին հոկտեմբերի 3-ին՝ լրագրողների հետ զրույցի ժամանակ, հայտնել է Հայաստանի Տնտեսական մրցակցության պաշտպանության պետական հանձնաժողովի վերլուծության վարչության պետ Գնել Ալավերդյանը:

Նրա հաստատմամբ՝ կարագի գներն աճել են ոչ միայն Հայաստանում, այլ նաև ամբողջ աշխարհում: «Նորզելանդական  ընկերությունների և «Ֆոնտերա» ընկերության պաշտոնական տվյալներով, որոնք զբաղվում են նորզելանդական կարագի արտահանմանբ, սկսած 2016 թվականի մայիսից մինչև 2017 թվականի սեպտեմբերը՝ արտահանվող կարագի գինը աճել է ավելի քան 130 տոկոսով: Սա ավելին է քան գների զգալի աճը»,- ասել է Ալավերդյանը, ավելացնելով, որ դրա հետ կապված գնաճ է տեղի ունեցել նաև Հայաստանում, բայց ի համեմատ մյուս երկրների՝ դրանք աճել են «համեմատաբար քիչ աննշան»՝ 44-50 տոկոս:

Նախարարը նշել է, որ եթե առաջ մանրածախ վաճառքի կետերում նորզելանդական կարագը արժեր 2600 դրամ, ապա հիմա այն արժե 3800-4000 դրամ: Գնել Ալավերդյանն ընգծեց, որ Հայաստան հիմնականում ներմուծվում է նորզելանդական արտադրության կարագ: