YouTube-ում AsapSCIENCE-ի հեղինակները վերլուծել են եւ մեկ տեսանյութում հավաքել սեռական կյանքի մասին օգտատերերի որոնման պատմության տվյալները, հայտնում է The Independent-ը։
Բլոգերները բացատրել են, որ շատերը հակված են համացանցում չափազանցել իրենց նվաճումները եւ թաքցնել կյանքի տհաճ կողմերը, բայց որոնման համակարգի շնորհիվ կարելի է բացահայտել, թե ինչ խնդիրներ ունեն մարդիկ սեռական կյանքում։
Google-ի պատմությունը ցույց է տալիս, որ ամուսնացած մարդիկ մեծ ուշադրություն են դարձնում սեռական կյանքին։ «Ամուսնություն՝ առանց սեքսի» հարցումը որոնման համակարգը 3․5 անգամ ավելի հաճախ է ստանում, քան «դժբախտ ամուսնություն» հարցումը։
Պարզվել է նաեւ, որ կանայք 2 անգամ հաճախ են Google-ին պատմում, որ իրենց զուգընկերն իրենց հետ սեքսով չի զբաղվում։ Իսկ տղամարդիկ սիրում են իրենց սեռական անդամի մասին ինֆորմացիա քաղել որոնման համակարգից։ Վիճակագրությունը ցույց է տալիս, որ մարմնի այդ օրգանի մասին ավելի շատ հարցում է ուղարկվում համակարգ, քան մնացած բոլոր օրգանները միասին վերցրած։