Դոլարով Ուկրաինայի եւ Վրաստանի ՀՆԱ-ն ավելի շատ է նվազել, քան Հայաստանինը: Այս մասին հոկտեմբերի 3-ի Ազգային ժողովի նիստում հայտնել է Ազգային ժողովի Արտաքին հարաբերությունների հանձնաժողովի ղեկավար, ՀՀԿ փոխնախագահ Արմեն Աշոտյանը «Ելք» դաշինքի՝ Եվրասիական միությունից դուրս գալու նախագծի քննարկման ելույթի ժամանակ:
Ընդդիմությունը հայտարարում է, որ Եվրասիական միության անդամակից լինելով՝ Հայաստանի ՀՆԱ-ն դոլարով կրճատվել է: Մինչ 2008 թվականի ճգնաժամը այն կազմում էր 11,9 մլրդ, իսկ 2016 թվականին՝ մոտ 10,7 մլրդ, այսինքն՝ նվազել է ավելի քան 10 տոկոսով:
Դրան ի պատասխան՝ Աշոտյանը նշել է, որ եվրոպական ինտեգրացիան ընտրած երկրների ցուցանիշները բացարձակապես լավը չեն. ՀՆԱ-ի անկումը դոլարով Վրաստանում կազմել է 14 տոկոս, Մոլդովայում՝ 16 տոկոս, Ուկրաինայում՝ 22 տոկոս: