Հյուսիսային Կորեան Ճապոնիային «միջուկային ամպերով» է սպառնացել ճնշումը շարունակելու դեպքում: Այս հայտարարությունը հրապարակել է Կորեայի Կենտրոնական հեռագրական գործակալությունը:
«Հյուսիսային Կորեայի վրա Ճապոնիայի ճնշումը, որը սրում է Կորեական թերակղզում լարվածությունը, ինքնասպանություն է, որը միջուկային ամպերն ուղղում է ճապոնական կղզիների վրա: Ոչ մեկը չգիտի, թե պայթյունավտանգ սահմանին հասցված իրավիճակը երբ կվերափոխվի միջուկային պատերազմի: Սակայն եթե միջուկային պատերազմի քուղն այրվի, ապա այն մեկ ակնթարթում կբռնկվի նաեւ ճապոնական կղզիներում»,- նշված է հայտարարության մեջ:
