Ռուսաստանի նախագահ Վլադիմիր Պուտինը վստահ է Հյուսիսային Կորեայի շուրջ ռազմական հռետորաբանության կործանարար լինելուն:
Ըստ որում՝ Մոսկվան դատապարտում է Փհենյանի գործողությունները, որոնք խախտում են ՄԱԿ ԱԽ բանաձեւը:
«Մեր աչքերի առաջ առճակատման գալար է ծավալվում Հյուսիսային Կորեայի հրթիռամիջուկային ծրագրի շուրջ»,- արձանագրել է ՌԴ նախագահը արտասահմանյան երկրների դեսպաններին հավատարմագրեր հանձնելու արարողության ժամանակ:
«Մենք դատապարտումենք ՄԱԿ ԱԽ բանաձեւը խախտելու Փհենյանի որոշումը: Սակայն ռազմական հռետորաբանության ծավալումը ոչ թե պարզապես փակուղային, այլ, վստահ եմ, կործանարար ճանապարհ է»,- շեշտել է Պուտինը, փոխանցում է ՏԱՍՍ-ը: