Մեխիկոյում տեղի ունեցած երկրաշարժից 2 շաբաթ հետո շարունակվում են անհետ կորածների որոնումները: Գրասենյակային շենքի փլատակների տակ, հնարավոր է, դեռեւս 6 մարդու մարմին կա: Փրկարարներն արդեն դուրս են բերել 40-ից ավելի զոհերի, փոխանցում է NTDTV-ն:
Գտնվել է եւս 2 մարմին: Երկուսն էլ տղամարդ են: Ընդհանուր առմամբ 43 զոհվածի են գտել, որոնցից 42-ը ճանաչվել են:
7,1 մագնիտուդ հզորությամբ երկրաշարժը Մեխիկոյում տեղի է ունեցել սեպտեմբերի 19-ին եւ մեծ ավերածություն է առաջացրել: Զոհվել է 326 մարդ, նրանցից 187-ը՝ Մեխիկոյում: Տուժել է մոտ 2 հազար մարդ: Որոնողափրկարարական աշխատանքների համար իշխանությունները 72 ժամ էին հատկացրել, սակայն հասարակության լայն քննադատությունից հետո ժամանակը երկարացրել են:
Մեքսիկայում տեղի ունեցած հզոր երկրաշարժը 11 հազար շենք է վնասել: Դրանցից 1,5 հազարը ստիպված էին քանդել: Վնասված շենքերի 10 տոկոսը կառուցվել են 1985 թվականի կործանարար երկրաշարժից հետո, երբ զոհվել էր մոտ 10 հազար մարդ: Դատախազությունը պարզում է, թե ինչու են նոր շենքերն անորակ կառուցվել:
