News
Լրահոս
News
Երեքշաբթի
Օգոստոս 09
USD
406.28
EUR
415.5
RUB
6.72
Տեսնել լրահոսը

ԱՄՆ Equifax վարկային պատմությունների բյուրոյի հաճախորդների թիվը, որոնց տվյալները ցանցահենները կարողացել են ստանալ զանգվածային կիբերհարձակման հետեւանքով, կարող է հասնել 145,5 մլն մարդու:

Իրականացված ուսումնասիրությամբ պարզվել է, որ տուժել են ԱՄՆ եւս մոտ 2,5 մլն սպառողներ, ընդհանուր առմամբ 145,5 մլն: Ըստ որում՝ նշվում է, որ նորից կոտրելու կամ հաքերային նոր հարձակումների հետքեր չեն գրանցվել:

Հիշեցնենք, որ Equifax Inc վարկային բյուրոն, որը ԱՄՆ-ում խոշորագույնների եռյակի մեջ է մտնում, սեպտեմբերի սկզբին հայտնել էր կիբերանվտանգության զանգվածային խախտման մասին, սակայն հարձակման մասին հայտնի էր արդեն 2017 թվականի հուլիսին: Իսկ ընկերության սերվերներ հաքերներն ավելի վաղ էին ներխուժել՝ այս տարվա մայիսին, սակայն մինչեւ որոշակի պահ չէին բացահայտվել: Ընկերությունը պաշտոնական հաղորդագրություն է տարածել միայն վերջերս:

Bloomberg-ի տեղեկություններով՝ չարագործներին հայտնի են դարձել հաճախորդների անուն-ազգանունները, նրանց ծննդյան տվյալները, ապահովագրական պոլիսների եւ վարորդական վկայականների համարները: Նրանք հասանելիություն են ստացել նաեւ վարկային քարտերի համարներին եւ ամերիկացիների անձնական տվյալներ պարունակող պահանջների վերաբերյալ մի շարք փաստաթղթերի:

Equifax-ը պարզել է նաեւ, որ հաքերները հասանելիություն են ստացել Մեծ Բրիտանիայի եւ Կանադայի մի քանի ռեզիդենտների տվյալներին:

Equifax վարկային պատմությունների բյուրոն զբաղվում է ֆիզիկական եւ իրավաբանական անձանց վարկային պարտավորությունների կատարման վերաբերյալ տվյալների մշակմամբ եւ պահպանմամբ, նաեւ վարկային հաշվետություններ եւ այլ կից ծառայություններ է տրամադրում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ֆոտոռեպորտաժներ