ԱՄՆ Կոլորադոյի նահանգի բնակիչը տեսանկարահանել է երկու իշայծյամների մենամարտը, որոնք իր տան առաջ կոտոշ կոտոշի էին տվել։
Դեպքը տեղի էր ունեցել սեպտեմբերի 27-ին Բլյու Ռիվեր քաղաքում, հայտնում է UPI-ն։ Տեսանյութում երեւում է, թե ինչպես է խոշոր իշայծյամը դանդաղ զբոսնում շենքի առաջ։ Մի քանի վայրկյան անց տան հետեւից դուրս էր եկել մեկ այլ իշայծյամ։ Կենդանիները որոշ ժամանակ տնտղում էին միմյանց, որից հետո կոտոշներով մարտի էին բռնվել։
