Հայաստանի միջին խավի հարկերը չի կարելի բարձրացնել: Հոկտեմբերի 3-ին ԱԺ-ում այս մասին նշեց «Ծառուկյան» դաշինքից ԱԺ փոխխոսնակ Միքայել Մելքումյանը՝ ելույթ ունենալով «Կուտակային կենսաթոշակների մասին» օրենքում փոփոխությունների օրինագծի քննարկման ժամանակ:
Մելքումյանը նշեց, որ ըստ Հարկային օրենսգրքի, որն ուժի մեջ կմտնի 2018 թվականի հունվարի 1-ից, եկամտահարկը 26 տոկոսից բարձրանում է մինչեւ 28 տոկոս՝ ամսական 150 հազար դրամից (մոտ 310 դոլար) մինչեւ 2 մլն եկամուտի դեպքում: «Անհրաժեշտ է հարկը նվազեցնել 150-ից մինչեւ 600-700 հազար դրամի սահմանում: Եվ մենք հանդես կգանք նման օրենսդրական նախաձեռնությամբ»,- հավելեց Մելքումյանը: