Հայաստանի պետական ծառայողների համար չեղյալ կհամարվեն պետական գաղտնիքի լրավճարները: Հոկտեմբերի 3-ին ԱԺ-ում այս մասին նշեց ֆինանսների փոխնախարար Կարեն Թամազյանը՝ ներկայացնելով «Պետական եւ ծառայողական գաղտնիքի մասին» օրենքում փոփոխությունների օրինագիծը:
Նախկինում գերատեսչությունների ղեկավարները իրավունք ունեին իրենց աշխատակիցների համար լրավճարներ սահմանել, որոնք պետական գաղտնիք էին տնօրինում: Հիմա այս դրույթը հանվում է:
Օրինագիծը փետրվարին արդեն ներկայացվել էր, սակայն այն չհասցրեցին վերջին ընթերցմամբ ընդունել: Այս պատճառով, խոհրդարանի կանոնակարգի փոփոխության համաձայն, օրինագիծը երկրորդ անգամ է ներկայացվել:
