ԵՏՄ-ից Հայաստանի դուրս գալու հարցով ԱԺ ժամանակավոր հանձնաժողով ստեղծելու՝ «Ելք» խմբակցության առաջարկը խորհրդարանը մերժեց: Նախագծին կողմ քվեարկեց 10, դեմ 79 պատգամավոր:
Նախագծին կողմ էին միայն «Ելք» խմբակցության պատգամավորները, որոնցից ԱԺ նիստին ներկա էին միայն 7-ը: Հատկանշական է, որ կողմ էր քվեարկել նաեւ Հայաստանի՝ ԵՏՄ անդամակցության մոլի երկրպագու, ՀՀԿ խմբակցության պատգամավոր Արտաշես Գեղամյանը: Նա հայտարարեց, որ սխալմամբ է կողմ քվեարկել:
Նախագծին մյուս երկու կողմ քվեարկածներն էին Գեւորգ Պետրոսյանը՝ «Ծառուկյան» խմբակցությունից եւ Ռոմիկ Մանուկյանը՝ ՀՅԴ-ից:
