News
Լրահոս
News
Ուրբաթ
Մարտ 29
Տեսնել լրահոսը

Փորձագետները չեն  բացառում, որ Ջավախքի Գումբուրդո գյուղում խաչքար տեղադրելու հետ կապված սադրանքներ են հնարավոր։

«Մեդիա կենտրոնում» օնլայն ասուլիսի ժամանակ Վրաստանի հարցերով փորձագետ Ջոննի Մելիքյանը նշեց, որ ինչ–որ մեկը կարող էր փորձել դրանով ի ցույց դնել Վրաստանի իշխանությունների ոչ կոմպետենտությունը։ Նա նշեց, որ մասունքների վերահուղարկավորության ու խաչքարի տեղադրման խնդիրն առկա էր դեռ անցյալ տարվա ապրիլից։ «Հիմա պետք է հասկանալ, եթե հարցը հոկտեմբերի վերջին քննարկելու պայմանավորվածություն է եղել, ինչի՞ համար էր պետք հիմա խաչքարը տեղափոխել եկեղեցու տարածք, թեպետ հայտնի էր, որ այնտեղ ոստիկանները պարեկություն են իրականացնում, ինչպես ցանկացած վայրում, որտեղ ռեստավրացիա է ընթանում։ Ինչ–որ տեղ սադրանք է տեղի ունեցել»,– ասել է Մելիքյանը։

«Ջավախք» բարեգործական հիմնադրամի գործադիր տնօրեն Արմեն Ավետիսյանը կարծիք հայտնեց, որ սադրանքի համար բարենպաստ հող է պետք։ Նա նաեւ  հիշեցրեց, որ գյուղացիները պատասխան քայլեր են ձեռնարկում։ «Ինչու՞ է գործ հարուցվել գյուղացիների նկատմամբ, բայց գործ չկա հատուկ նշանակության ջոկատայինների դեմ։ Միգուցե, նրանք չարաշահել են լիազորությունները։ Անհրաժեշտ է բազմակողմանի ուսումնասիրել հարցը եւ մեղավորներին պատասխանատվության կոչել»,– ասաց Ավետիսյանը։

«Ալիկ» վրացական մեդիահարթակի գլխավոր խմբագիր Արսեն Խառատյանի խոսքով՝ եկեղեցու պատկանելիության հարցը շեշտելը Պանդորայի արկղ է բացում։ Նա կարծում է, որ անհրաժեշտ է հարցը տեղայնացնել եւ դիտարկել իրավական հարթակում։ «Սակայն խաչքար տեղադրելը դրա սահմաններից դուրս է գալիս։ Առաջանում է բարոյական հարցի լուծման անհրաժեշտություն՝ հաշվի առնելով, որ խաչքարը խորհրդանշական հուշարձան է։ Այն պետք է օծվի»։ Խառատյանը նույնպես չի բացառում սադրանքի հնարավորությունը։ «Համացանցում կարծիք էր շրջանառվում, որ դա կապ ունի առաջիկա ՏԻՄ ընտրությունների հետ»,– ասել է Խառատյանը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ախալքալաքի շրջանում առաջին դասարան է հաճախել 563 երեխա
Վիճակագրության համաձայն՝ Վրաստանում գործում է 2 086 պետական և 222...
Ջավախքում բեռնատարների կուտակումները խանգարում են բերքահավաքին
Կարտոֆիլի բերքահավաքն սկսվել է, այդ բեռնատարները մեզ խանգարում են: Այս ճանապարհը պետք է լայնացնել, 3-րդ գիծ է պետք: Գիտեք ինչքան շատ է լինում, երբ…
Ախալքալաքում բողոքում են Մկոյանների հիդրոէլեկտրակայանի փակման դեմ
Ցուցարարներից մեկի խոսքով` ՀԷԿ-ի էլեկտրաէներգիան շատ ավելի էժան է...
Վրաստանի ՆԳՆ-ն հետաքննություն է սկսել ԱԺ պատգամավոր Հենզել Մկոյանի նկատմամբ շանտաժի գործով
«Նրան ասում են հեռանալ քաղաքականությունից եւ 5 միլիոն դոլար փոխանցել իրենց հաշվեհամարներին, հակառակ դեպքում սպառնում են սպանել նրան եւ նրա ընտանիքի անդամներին...
Ախալքալաքի դատարանը որոշում է կայացրել կալանքի տակ թողնել ամբաստանյալ Արթուր Գաբրիելյանին
Ամբաստանյալի փաստաբանը եւս համաձայնել է, որպեսզի Ա.Գ.-ն մնա կալանքի տակ...
Ախալքալաքում ձերբակալված Արթուր Գաբրիելյանին պաշտոնապես մեղադրանք է առաջադրվել
Քննությամբ պարզվել է, որ մեղադրյալ Ա.Գ.-ն վեճի ընթացքում հրազենից մահացու վիրավորել է Վ.Մ.-ին...
Ամենաշատ