News
Լրահոս
News
Երեքշաբթի
Հունվար 23
Տեսնել լրահոսը


«Սասնա ծռեր» խմբի գործով վարույթներն իրարից արհեստականորեն են տարանջատվում: Այս մասին այսօր՝ հոկտեմբերի 4-ին, լրագրողների հետ զրույցում ասաց փաստաբան Երվանդ Վարոսյանը՝ անդրադառնալով  «Սասնա ծռեր» խմբի 14 եւ 18 անդամի գործը անջատելուն:

«Հերթական անգամ դատավորի փոփոխության գործընթաց տեղի ունեցավ, սակայն, առանց ինքնաբացարկի: Նպատակը գործերը տարանջատել եւ այլ դատավորների հանձնելն է: Ես չեմ բացառում, որ այս գործերը այլ դատարանների շենքերում կլինեն՝ նպատակը հնարավորինս տարանջատելն ու հնարավորինս իրարից հեռու իրականացնելն է»:

Փաստաբանի խոսքով, գործերն անջատելու սկզբունք չկա, հաշվի են առել, թե դատավոր Արտուշ Գաբրիելյանը «ավելի հեշտ որ մասը յոլա կտանի»:

«Այս ամեն ինչից արդարադատությունը տուժելու է, քանի որ գործերի կիսման արհեստական գործընթացը ոչ մի լավ բանի չի հանգեցնելու: Անհնար է նույն գործը նույն ապացույցների շրջանակներում, նույն տուժողներով, ամբաստանյալներով եւ վկաներով 3 տարբեր տեղերում քննելը: Վկան մի տեղում հարցաքննվում է, հետո գնում է մյուս դատարաբ եւ արդեն իմանում է, թե ինչ հարցեր են իրան տալու»,-ասաց նա:

Ավելի վաղ տեղեկացրել էինք, որ այսօր Երեւանի Էրեբունի եւ Նուբարաշեն վարչական շրջանների ընդհանուր իրավասության դատարանը «Սասնա ծռեր» խմբի 14 անդամի գործը կիսեց: Արտուշ Գաբրիելյանը այս առանձնացված մասին ավելացնելու է անցած շաբաթ կիսված մասը՝ 7 ամբաստանյալների վերաբերյալ եւ քննելու է միասին: Այսպիսով՝ «Սասնա ծռերի» գործը կքննվի 3 առանձին վարույթներում:

«Սասնա ծռեր» խմբի 18 անդամի մասով գործն անցած շաբաթ եւս կիսվել էր, անջատված մասով գործը տրվել է Երեւանի Էրեբունի եւ Նուբարաշեն վարչական շրջանների ընդհանուր իրավասության դատարանի նախագահ Արթուր Օհանյանին:

Տպել
Կարդացեք նաև
Ամբողջ
ՄԻՊ-ի ներկայացուցիչներն այցելել են «Սասնա ծռերին». Արայիկ Խանդոյանը վիրահատությունից հետո երիկամի ցավեր ունի
Արմեն Բիլյանը «Դատապարտյալների հիվանդանոց» քրեակատարողական հիմնարկում ստանում է վերականգնողական բուժում...
Սմբատ Բարսեղյանը դադարեցրել է հացադուլը
Վիճակը բավարար է գնահատվում...
Արայիկ Խանդոյանը վիրահատվել է. ՄԻՊ-ն այցելել է «Սասնա ծռերի» անդամներին
Սմբատ Բարսեղյանը տեղեկացրել է, որ ինքնազգացողությունը բավարար է...
«Սասնա ծուռ» Հովհաննես Հարությունյանի համար կոնսիլիում է կայացել. ԱՆ ՔԿՎ
Վիրահատական միջամտության անհրաժեշտություն չի եղել, ոսկրա-տրավմատիկ փոփոխություններ չեն հայտնաբերվել...
Պաշտպանի ներկայացուցիչները գտնվում են «Դատապարտյալների հիվանդանոց» եւ «Նուբարաշեն» ՔԿՀ-ներում
Այցի արդյունքների հիման վրա կներկայացվեն...
Արայիկ Խանդոյանի պաշտպանին արգելել են տեսակցել իր պաշտպանյալի հետ. նրան տեղափոխել են «Էրեբունի» ԲԿ
Նա նշեց, որ այսօր Արայիկ Խանդոյանի հետ հանդիպմանը նրան իրավաբանական խորհրդատվություն էր տալու քաղաքացիական եւ վարչական հարցերով…
Ամենաշատ
Ֆոտոռեպորտաժներ
Partner news